| కన్నెగంటి బ్రహ్మానందం | |
 | |
| జన్మ నామం | కన్నెగంటి బ్రహ్మానందం |
|---|---|
| జననం | ఫిబ్రవరి 01 1956 ఇండియా |
| స్వస్థలం | ముప్పాళ్ల గ్రామం, గుంటూరు జిల్లా |
| నివాసం | హైదరాబాద్, ఆంధ్రప్రదేశ్ |
| ఇతర పేర్లు | బ్రహ్మానందం అరగుండు ఖాన్ దాదా కత్తి రాందాసు |
| వృత్తి | హాస్య నటుడు |
| మతం | హిందూ |
| సంతానం | 2-కొడుకులు గౌతమ్ |
| తండ్రి | నాగలింగాచారి |
| తల్లి | లక్ష్మీనరసమ్మ |
బ్రహ్మానందం ప్రముఖ తెలుగు హాస్య నటుడు. ఈయన పూర్తి పేరు కన్నెగంటి బ్రహ్మానందం. తండ్రి కన్నెగంటి నాగలింగాచారి మరియు తల్లి పేరు కన్నెగంటి లక్ష్మీనరసమ్మ. అరగుండుగా, ఖాన్ దాదాగా, కత్తి రాందాసుగా, శంకర్దాదా ఆర్.ఎమ్.పి.గా... వైవిధ్యమైన పాత్రల పేర్లతో పేరుగాంచిన నటుడు.
స్వల్పకాలములోనే వివిధ భాషలలో 750కి పైగా సినిమాలలోనటించి ప్రపంచములోనే అరుదయిన రికార్డు సృష్టించింది గిన్నీస్ ప్రపంచ రికార్డులు(2008వ సంవత్సరం)వారు గుర్తించారు. ఇప్పటికి ఈయన తెలుగు సినిమా పరిశ్రమలో అత్యంత ఎక్కువ సినిమాలలో నటిస్తూవున్న హాస్య చక్రవర్తి.
విషయ సూచిక[దాచు] |
[మార్చు] బాల్యం
బ్రహ్మానందం ఫిబ్రవరి 1, 1956 సంవత్సరంలో గుంటూరు జిల్లా, సత్తెనపల్లి తాలూకా ముప్పాళ్ల గ్రామంలో జన్మించారు. తను పుట్టగానే తల్లికి గుర్రపువాతం వచ్చి అందరి దృష్టిలో అపరాధిలా నిలిచాడు. అప్పటికే ఆరుగురు పిలలకి జన్మనిచ్చిన తల్లి ఇతని ప్రసవంతో చనిపోతుందని భావించారు. కానీ అదృష్టవశాత్తు ఆమె ప్రాణాలు నిలిచాయి. తల్లి ప్రాణాలు దక్కినా బ్రహ్మానందం అనే పసివాడిపై మాత్రం అందరిదీ శీతకన్నే.
[మార్చు] చదువు
సత్తెనపల్లి శరభయ్య హైస్కూలులో విద్యార్థిగా చేరి పాఠాలు నేర్చారు. తండ్రి కన్నెగంటి నాగలింగాచారి సన్నిహితులైన సున్నం ఆంజనేయులు ప్రోద్భలంతో భీమవరం డి.ఎన్.ఆర్. కాలేజీలో ఇంటర్మీడియట్, డిగ్రీ పూర్తి చేసారు. గుంటూరు పీజీ సెంటర్లో తెలుగు సాహిత్యంలో ఎమ్మే పట్టా పుచ్చుకొన్నారు. బ్రహ్మానందం అత్తిలిలో తొమ్మిది సంవత్సరాలు లెక్చరర్గా పనిచేశాక సినీరంగంలో అడుగుపెట్టారు.
[మార్చు] సినీరంగ ప్రవేశం
ఇప్పట్లోలా ఇలా వెళ్లి అలా సినిమాలు చూసే అవకాశం ఆయనకు ఉండేది కాదు. ఉమ్మడి కుటుంబంలో మధ్యతరగతి జీవితాన్ని సాగిస్తున్న ఆ ఇంట్లో ఆర్థిక సమస్యలతో పాటూ జనాభా కూడా ఎక్కువే! అమ్మ అప్పుడప్పుడూ ఇరుగు పొరుగుల్ని అనుకరిస్తూ మాట్లాడే హాస్యోక్తులే తనకు వినోదం! తండ్రి రంగస్థల నటుడే అయినా సీరియస్ ప్రొఫెషనమీ కాదు. తలిదండ్రులకున్న కొద్దో గొప్పో కళాభిరుచి తనకీ అబ్బిందేమోనని బ్రహ్మానందం భావిస్తారు. బాల్యంలో మారాం చేయకుండా బడికి బుద్ధిగానే వెళ్ళినా, ఎస్.ఎస్.ఎల్.సి. లో గట్టిగానే పాసైనా చిన్న తప్పులు చేసినా తండ్రి నుంచి బుద్ధితక్కువ వాడంటూ చివాట్లు తప్పేవి కావు. అయితే తెలివితక్కువ వాడని మాత్రం ఆయన ఎన్నడూ అనలేదంటారు. చదువుతున్నప్పుడే స్వర అనుకరణలు (మిమిక్రీ) చేయడం, సాంస్కృతిక బృందాలలో (కల్చరల్ ఆర్గనైజషన్) చురుకుగా పాల్గొనడం ఈయనకు అలవడింది. అత్తిలిలో లెక్చరర్గా ఉంటూనే పలు నిజజీవితంలోని వ్యక్తులను అనుకరుణ చేస్తూ అందరి ప్రశంసలూ పొందిన బ్రహ్మానందం 1985లో దూరదర్శన్లో వచ్చిన 'పకపకలు' కార్యక్రమాన్ని సమర్ధంగా నిర్వహించగా మంచి స్పందన వచ్చింది. దూరదర్శన్ తప్ప ఇతర ఛానెళ్ళేవీ లేని ఆ రోజుల్లో ఎక్కడికెళ్ళినా అందరూ బ్రహ్మానందాన్ని ఇట్టే గుర్తు పట్టేవారు.
[మార్చు] తొలి సినిమా
బ్రహ్మానందంను మొట్టమొదటి సారిగా మూవీ కెమెరా ముందు మేకప్ వేసి నిలబెట్టినవారు దర్శకులు వేజళ్ల సత్యనారాయణ. నరేశ్ కథానాయకుడిగా నటించిన 'శ్రీ తాతావతారం' అనే చిత్రంలో కథానాయకుడి నలుగురు స్నేహితులలో ఒకడిగా నటించారు. విశేషం ఏమిటంటే తన పుట్టినరోజు ఫిబ్రవరి 1 వ తేదీన ఆ సినిమాలో తొలి వేషం వేశాడు. 1985లో హైదరాబాద్ వెస్లీ కాలేజ్లో మధ్యాహ్నం పన్నెండు గంటలకు హీరో నరేశ్తో తీసిన తొలి షాట్ బ్రహ్మానందం నటజీవితానికి శ్రీకారం చుట్టింది. ఈ చిత్రంతో నటించడం ప్రారంభించినా తొలిసారి విడుదలన చిత్రం మాత్రం జంధ్యాల దర్శకత్వంలో వచ్చిన "సత్యాగ్రహం".
[మార్చు] పేరు తెచ్చిన పాత్ర
"...పాడె మీద పైసలు ఏరుకొనే వెధవా... పోతావ్రా రేయ్... నాశనమై పోతావ్..." అంటూ యజమాని పీనాసితనాన్ని బాహాటంగా కక్కలేక తనలోనే అగ్గిబుగ్గైపోతూ ఆక్రోశాన్ని దిగమింగుకొనే అహ! నా పెళ్ళంట ! లోని అరగుండు పాత్రతో తెలుగు ప్రేక్షకుల దృష్టి అతనిపై పడింది. "అరగుండు వెధవా" అని కోటతో తిట్టించుకొన్న ఆ అరగుండు పాత్రే బ్రహ్మానందం, తన హాస్యనట విశ్వరూపాన్ని ప్రదర్శించేలా చేసింది. జంధ్యాలగారు తను దర్శకత్వం వహిస్తున్న "చంటబ్బాయ్" సినిమా నిర్మాణ సమయంలో చిరంజీవి కి పరిచయం చేయడం, తర్వాత "పసివాడి ప్రాణం" లో ఓ చిన్న పాత్ర వేయడం. ఇలా నలుగుతున్న రోజుల్లో ఆయన ఇచ్చిన అవకాశం అహ నా పెళ్ళంట లో అరగుండు పాత్ర. ఈ పాత్రతో బ్రహ్మానందం నటజీవితాన్ని మలుపు తిప్పేలా చేసిన దర్శకులు జంధ్యాలగారిని, అలాగే ఆ చిత్రంలో నటించే అవకాశం ఇచ్చిన ఆ చిత్ర నిర్మాత డాక్టర్ డి.రామానాయుడు గారినీ, ఆ రోజుల్లో అన్ని విధాలా ప్రోత్సహించిన చిరంజీవిగారిని ఎప్పటికీ మరువలేను అంటారు. ఈ చిత్రంలో వేసిన పాత్ర ఆనాటి నుంచి బ్రహ్మానందం నట జీవితంలో యేడాదికి 35 చిత్రాలకు తగ్గకుండా నటించేందుకు పాదులు తీయడం గమనార్హం.
[మార్చు] ప్రజాదరణ పొందిన ఊత పదాలు
- నీ యంకమ్మా (చిత్రం భళారే విచిత్రం సినిమా)
- పండగ చేసుకో (భిక్షగాడి పాత్ర ఆలీతో అర్థ రూపాయి దానం చేసి అనే డైలాగు)
- రకరకాలుగా ఉంది మాస్టారూ (నువ్వు నాకు నచ్చావ్ సినిమా)
- ఖాన్ తో గేమ్స్ ఆడకు... శాల్తీలు లేచిపోతాయి
- దొరికాడా ఏశెయ్యండి...(పట్టుకోండి చూద్దాం)
[మార్చు] కుటుంబం
బ్రహ్మానందం కుమారుడు గౌతమ్ హీరోగా పల్లకిలో పెళ్ళికూతురు అనే సినిమా వచ్చింది.
[మార్చు] అవార్డులు సత్కారాలూ
- నటుడిగా బ్రేక్నిచ్చిన 'అహ నా పెళ్లంట' చిత్రమే 1987లో ఈయనకి తొలి నంది పురస్కారాన్ని కూడా సాధించిపెట్టింది. మనీ, అనగనగా ఒకరోజు, అన్న, వినోదం చిత్రాలకు సైతం నంది అవారుల్ని పొందారు.
- ఐదు కళాసాగర్ అవార్డులు
- తొమ్మిది వంశీ బర్కిలీ అవార్డులు
- పది సినీగోయర్స్ అవార్డులు
- ఎనిమిది భరతముని అవార్డులు
- ఒక్క ఫిలింఫేర్ అవార్డు
- రాజీవ్గాంధీ సద్భావనా పురస్కారం
- ఆటా (అమెరికా), సింగపూర్, లండన్ డాకర్స్, అరబ్ ఎమిరేట్స్, ఆస్ట్రేలియా తెలుగు అసోసియేషన్స్ వారి సత్కారాలు, షోలాపూర్, ఢిల్లీ తెలుగు అకాడమీల్నించి సన్మానాలు అందుకున్నారు
- విజయవాడ విశ్వబ్రాహ్మణ సంఘం వారు స్వర్ణ గండపెండరాన్ని తొడిగి సత్కరించారు
- పద్మవూహన సంస్థ బంగారు పతకాన్ని బహూకరించింది
- సత్తెనపల్లి ఫ్రెండ్స్ క్లబ్వారు స్వరహస్తకంకణాన్ని బహూకరించారు.
- అచార్య నాగార్జున యూనివర్సిటీ నుండి డాక్టరేటు ను అందుకున్నారు
- విఖ్యాత హస్యనటులయిన రేలంగి, రాజబాబు, చలం, అల్లు, సుత్తి వీరభద్రరావు పేరిట నెలకొల్పిన పురస్కారాలన్నీ బ్రహ్మానందం కైవసం చేసుకోవడం అరుధైన ఘటన!
[మార్చు] ఇతర విశేషాలు
- 'రేలంగి తన ప్యాంటూ షర్టూ మార్చుకొని బ్రహ్మానందం రూపంలో మళ్లీ తెరమీదికొచ్చాడ' ని కితాబులందు కొన్న నటుడు బ్రహ్మానందం
- రెండు దశాబ్దాలుగా తన హాస్యనటనతో ఎన్నో మైలురాళన్లి అధిగమించి దాదాపు 745 చిత్రాల్లో నటించిన ఘనత వహించారు.
- తక్కువ వ్యవధిలో అత్యధిక చిత్రాల్లో నటించిన ఆర్టిసుగా ఆయన తిరుగులేని రికార్డు నెలకొల్పడం విశేషం.
- ప్రతిష్టాత్మకమైన గిన్నీస్ బుక్ ఆఫ్ వరల్డ్ రికార్డ్స్ లో అత్యధిక సినిమాలు నటించి నందుకు చోటు దక్కింఛుకున్న ఏకైక హాస్య నటుడు.
